/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Arestio dyn yn dilyn gwrthdaro rhwng cefnogwyr pêl-droed

Torf o bobl tu allan i dafarn yng NghaerdyddWelcome2Cardiff

Cafodd grŵp o bobl eu gweld yn taflu poteli y tu allan i dafarn yng Nghaerdydd

Mae Heddlu De Cymru wedi arestio dyn am drosedd yn erbyn y drefn gyhoeddus yn dilyn gwrthdaro rhwng cefnogwyr pêl-droed ddydd Sadwrn.

Bu swyddogion heddlu arbenigol yn bresennol ger cyffordd Heol Eglwys Fair a Stryd Wood yn y brifddinas cyn y gêm ddarbi rhwng Caerdydd a Bristol city.

Fe orffennodd y gêm yn gyfartal gydag un gôl yr un.

Dywedodd Heddlu De Cymru eu bod yn "ymwybodol o rai achosion o anhrefn".

"Yn anffodus, bydd y lleiafrif bob amser yn ceisio cymryd rhan mewn anhrefn ond mae swyddogion yn ymateb yn gyflym i atal unrhyw ddigwyddiadau o'r fath.

Ychwanegwyd bod swyddogion yn gweithio i sicrhau bod y cefnogwyr yn gadael y stadiwm yn ddiogel.

Pynciau cysylltiedig