/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Dementia: 'Sefyllfa o ran y Gymraeg yn siomedig o hyd'

Enfys Davies: 'Ma' wyth galwad mas o ddeg yn Saesneg'

Gan Garry Owen
Gohebydd Arbennig BBC Radio Cymru

Mae Enfys Davies, o Benrhiw-llan ger Llandysul yn dweud bod gwasanaethau trwy gyfrwng y Gymraeg yn bwysig i bobl sy'n byw â dementia a dywed nad yw'r sefyllfa wedi gwella fawr ddim yn ystod y blynyddoedd diwethaf.

Fe siaradodd am ei phryderon gyda BBC Cymru 'nôl yn 2018 wrth iddi chwilio am gymorth i'w gŵr Peter.

"Does dim lot wedi newid yn y bedair blynedd diwetha'," meddai.

"I bobl sy'n dechre ar daith dementia dwi ddim yn meddwl bod yna unrhyw newidiade o ran y Gymraeg, na chwaith o ran trefniadau gofal dementia yn gyffredinol.

"Mae hyn yn siomedig iawn. Ar bapur, ma' pethe gyda ni, ond dydyn nhw ddim yn weithredol o hyd. Pryd fyddan nhw'n weithredol">