/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Banc yn cynnig lle diogel i ddioddefwyr cam-drin domestig

cam-drinThinkstock
Gan Elen Wyn
Newyddion S4C

Bydd dioddefwyr cam-drin domestig yn gallu defnyddio "mannau diogel" i gael cymorth arbenigol ym mhob un o ganghennau HSBC yng Nghymru.

Mae cynllun Safe Spaces yn cynnig rhywle tawel i ddioddefwyr allu cysylltu â gwasanaeth cymorth neu siarad â ffrind neu aelod o'r teulu.

Gall pobl hefyd siarad ag aelod o staff sydd wedi cael eu hyfforddi, neu gysylltu â'r heddlu lleol os oes angen.

Syniad Hestia, elusen cam-drin domestig, ydy'r Safe Spaces ac mi gafodd ei lansio yng nghanol cyfnod clo cyntaf y pandemig Covid-19.

Mae'r cynllun eisoes ar waith mewn dros 5,000 o fferyllfeydd ledled Prydain, gyda chwmnïau mawr fel Boots, Superdrug, Morrisons a Well, yn ogystal â fferyllwyr annibynnol lleol, yn cymryd rhan.

HSBC

Mae cynllun Safe Spaces yn cynnig rhywle tawel i ddioddefwyr allu cysylltu â gwasanaeth cymorth neu siarad â ffrind neu aelod o'r teulu

HSBC UK ydy'r mwyaf o'r banciau stryd fawr i gynnig y gwasanaeth a gafodd ei dreialu'n wreiddiol y llynedd yn Southampton.

Mae dros 4,000 o staff ar draws holl ganghennau HSBC yn y Deyrnas Unedig wedi cael hyfforddiant arbenigol i'w helpu i adnabod arwyddion o gam-drin.

Sut mae'r cynllun yn gweithio?

  • Cerddwch i mewn i unrhyw leoliad sy'n cynnig gofod diogel;

  • Gadewch i aelod o staff wrth y cownter wybod eich bod angen defnyddio'r man diogel;

  • Bydd aelod o staff yn mynd â chi i'r gofod diogel sydd o fewn ystafell breifat;

  • Unwaith y byddwch i mewn, mi allwch ddefnyddio'r gofod ym mha bynnag ffordd sy'n gweithio i chi. Mae'r ystafelloedd ar wahân yma yn darparu ffyrdd diogel i estyn at ffrindiau a theulu a chysylltu â gwasanaethau cymorth arbenigol.

Dyfrig Roberts

Dywed Dyfrig Roberts y gall pobl fynd i mewn i unrhyw gangen HSBC a gofyn am help

Dywedodd Dyfrig Roberts, cyfarwyddwr lleol HSBC UK yn Llangefni, Ynys Môn, fod mabwysiadu'r cynllun Safe Spaces yn cyd-fynd â mentrau lleol eraill gan y banc, gan gynnwys rhoi'r hawl i bobl heb gyfeiriad parhaol i agor cyfrif banc.

"Mae banciau wedi newid," meddai, "ac un o'r pethau mwyaf pwysig i ni rŵan ydy bod yna, rhoi rhywbeth gwahanol, a rhoi lle saff i gwsmeriaid pan maen nhw isio fo.

"Mae 4,000 o staff wedi cael eu hyfforddi i helpu. Yma yn Llangefni, ar draws gogledd Cymru, a trwy Gymru a trwy Brydain i gyd mi fedrith rywun fynd i mewn i gangen HSBC a gofyn am help."

Esboniodd mai rôl y banc yn y lle cyntaf oedd adnabod problem, ac mai elusennau a chyrff cymorth eraill fyddai'n camu i mewn wedyn.

"Mae staff hefyd wedi cael eu hyfforddi i drio cael y pethau yma allan wrth sgwrsio efo nhw.

"'Dan ni yma wrth gwrs i helpu, ond ein gwaith ni ydy sylweddoli a deud 'reit be arall fedran ni wneud i helpu chi, dewch i mewn am sgwrs efo ni'."

HSBC Llangefni

Mae'r cynllun ar waith ym mhob cangen HSBC yng Nghymru

Presentational grey line

Stori Rehana

Dywed Rehana, sy'n 47 oed ac yn rheolwr banc, nad yw'n ffitio'r syniad arferol o ddioddefwr cam-drin domestig, ond am flynyddoedd roedd hi'n gwrthod cyfaddef ei bod yn cael ei cham-drin gan ei chyn-ŵr.

"Ro'n i'n briod am flynyddoedd cyn sylweddoli o'r diwedd bod angen i mi adael," meddai.

"Mae gen i dri o blant a dim ond wrth iddyn nhw fynd yn hŷn a dechrau holi pethau fel 'pam bod dad yn cael gwneud pethau a 'dach chi ddim">