/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Prifathro yn y llys wedi ei gyhuddo o geisio anafu yn fwriadol

Fe wnaeth Anthony Felton ymddangos o flaen Llys Ynadon Abertawe ddydd Gwener

Anthony John Felton yn cyrraedd Llys Ynadon Abertawe ddydd Gwener

Iolo Cheung
Gohebydd BBC Cymru
Yn gohebu o
Llys Ynadon Abertawe

Mae prifathro 54 oed wedi ei gyhuddo o geisio anafu yn fwriadol yn dilyn digwyddiad mewn ysgol.

Roedd Dr Anthony Felton, sy'n cael ei adnabod fel John, wedi ei arestio ar amheuaeth o ymosod ar ôl digwyddiad yn Ysgol Gatholig St Joseph's yn Aberafan, Castell-nedd Port Talbot.

Cafodd Heddlu De Cymru eu galw i'r ysgol uwchradd am 09:50 fore Mercher.

Cafodd dyn 51 oed ei gludo i'r ysbyty yn dilyn y digwyddiad ond mae bellach wedi ei ryddhau gyda mân anafiadau.

Fe wnaeth Mr Felton ymddangos o flaen Llys Ynadon Abertawe ddydd Gwener, gan siarad i gadarnhau ei enw a'i gyfeiriad.

Cafodd ei gadw yn y ddalfa a bydd yn ymddangos o flaen Llys y Goron Abertawe ar 7 Ebrill.

Anthony Felton

Dr Anthony Felton yw pennaeth Ysgol Gatholig St Joseph's yn Aberafan

Pynciau cysylltiedig

Straeon perthnasol