/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Gwahodd Eisteddfod Genedlaethol 2021 i Lŷn ac Eifionydd

Cyfarfod gwahodd Eisteddfod 2021

Mae cyfarfod cyhoeddus wedi cael ei gynnal ym Mhwllheli i groesawu'r Eisteddfod Genedlaethol yn ffurfiol i Lŷn ac Eifionydd yn 2021.

Bydd y Brifwyl yn cael ei chynnal ger Boduan rhwng Pwllheli a Nefyn.

Roedd yna dros 400 o bobol yn y cyfarfod yn Ysgol Glan y Môr nos Fawrth.

Dywedodd Prif Weithredwr yr Eisteddfod, Betsan Moses bod hi'n "hyfryd gallu dod yn ôl" i'r ardal, a bod ei lleoli ym Moduan yn "brawf bod yr Eisteddfod yn gallu mynd i rywle yng Nghymru".

"Mae'r Eisteddfod yn Eisteddfod deithiol a mae'n bwysig ein bod n'n mynd i bob rhan o Gymru," meddai.

Un sy'n "edrych ymlaen yn arw" at groesawu'r Brifwyl i Foduan yw'r cynghorydd sy'n cynrychioli'r ward ar Gyngor Gwynedd, Anwen Davies.

"Fydd 'na groeso gwerth chweil i bawb yno," dywedodd.

Dydd Gwener 15 Tachwedd yw'r dyddiad cau ar gyfer cyflwyno enwebiadau ar gyfer Cadeirydd, Is-gadeirydd ac Ysgrifennydd y Pwyllgor Gwaith, ynghyd â Chadeirydd y Gronfa Leol.

Straeon perthnasol