/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Gwahardd dyn o gemau pêl-droed wedi digwyddiad yng Nghaerdydd

Cefnogwyr tu allan i dafarnWelcome2Cardiff

Roedd Mackenzie Bailey ymysg criw o gefnogwyr Bristol City a ddaeth i Gaerdydd

Mae dyn 18 oed wedi cael ei wahardd rhag mynychu gemau pêl-droed yn dilyn gwrthdaro rhwng cefnogwyr yng Nghaerdydd.

Roedd Mackenzie Bailey o Sir Gaerloyw ymysg criw o gefnogwyr Bristol City a ddaeth i'r brifddinas ar gyfer gêm ddarbi yn erbyn Caerdydd fis Chwefror.

Dywedodd Heddlu De Cymru y cafodd ei weld yn taflu can o alcohol ar dafarn O'Neill's ar Stryd Wood.

Fe wnaeth heddweision ei adnabod yn y stadiwm yn ddiweddarach, ble cafodd ei arestio ar amheuaeth o drosedd yn erbyn y drefn gyhoeddus.

Mae Bailey wedi cael gorchymyn gwahardd pêl-droed - football banning order - sy'n ei atal rhag mynychu unrhyw gêm bêl-droed yn y DU am dair blynedd.

Cafodd hefyd ddirwy o £500 a'i orchymyn i dalu £85 mewn costau, a gordal o £200.

Pynciau cysylltiedig

Straeon perthnasol